 |
| Photo by KSNG |
(၁၅)ကြိမ်မြောက် ကေအဲန်ယူ-ကရင်အမျိုးသားအစည်းအရုံး၏ ညီလာ ခံအပြီး ပထမအကြိမ် ပုံမှန်ဗဟိုအမြဲ တမ်းကော်မတီ အစည်းအဝေး ကို ဖေဖော်ဝါရီလ (၁၈)နေ့မှ (၂၆)ရက်နေ့အထိ ကရင်ပြည်နယ်၊ ဖားအံ ခရိုင်၊ ကေအဲန်ယူ တပ်မဟာ (၇)နယ်မြေ၊ လေးဝါး စခန်းတွင် ကျင်းပ ခဲ့သည်။
ဗဟိုကော်မတီဝင် (၄၅)ဦး တက်ရောက်သော ၎င်းအစည်းအဝေးတွင် ဌာနဆိုင်ရာ တာဝန်လွဲပြောင်း ခန့်အပ်ခြင်းနှင့် ဌာနအသီးသီးတို့၏ မူဝါဒ များနှင့် လုပ်ငန်းစဉ်များကို ချမှတ် အတည်ပြုခဲ့ပြီး အဖွဲ့အစည်းဆိုင်ရာ လုပ်ငန်းစဉ်များကို ထိရောက် စွာ အကောင်အ ထည်ဖော်ဆောင် ရွက်နိုင်ရေးအတွက် လိုအပ်သော လုပ်ငန်းကော် မတီများကို ဖွဲ့စည်းခဲ့သည် ဟု အစည်း အဝေးအပြီး ထုတ်ပြန်သော ကြေညာချက်တွင် ဖော်ပြထားသည်။
ထို့အပြင် အပစ်အခတ်ရပ်စဲရေး ပိုမိုခိုင်မြဲစေရန်နှင့် ပြည်တွင်းငြိမ်းချမ်းရေး လုပ်ငန်းစဉ်များကိုလည်း ဗဟိုအလုပ်မှုဆောင်ကော်မတီမှ ဆောင်ရွက်သွားမည်ဖြစ်ပြီး စစ်မှန်သော ငြိမ်းချမ်းရေး တည်ဆောက်နိုင်ရေးအတွက် မြန်မာအစိုးရနှင့် နိုင်ငံရေး ဆွေးနွေးမှု လုပ်ငန်းစဉ်များတွင် တိုင်းရင်းသား လူမျိုးများ စုဖွဲ့မှုဖြင့် တူညီသော အခြေခံမူများနှင့်အညီ တွေ့ဆုံဆွေးနွေးမှုများကို ကြိုးပမ်းဆောင်ရွက် သွားမည်ဖြစ်ဟု ကြေညာချက်ထဲတွင် ပါရှိသည်။
ကေအဲန်ယူ အထွေထွေ အတွင်းရေးမှူး ပဒိုစောကွယ်ထူးဝင်းက “ကေအဲန်ယူနဲ့ အစိုးရကြားမှာ တိကျခိုင်မာတဲ့ ငြိမ်းချမ်းရေး နဲ့ နိုင်ငံရေးအရ ဖြေရှင်းမှုတွေကိုဆက်လက်လုပ် ဆောင်သွားဖို့ ဆုံးဖြတ်ချက်တွေ ချမှတ်နိင်ခဲ့ တယ်။ ပြီးတော့ အဲဒီတာဝန်ကိုလည်း ကိုယ်စားလှယ်တွေ အားလုံးက ဗဟိုအလုပ်မှုဆောင် ကော်မတီကို တာဝန်လွဲအပ်ပေးလိုက်တယ် ”ဟု ပြောသည်။
ကေအဲန်ယူ အနေဖြင့် ကရင်အမျိုးသားများအတွက် ငြိမ်းချမ်းရေး ရှေ့လုပ်ငန်းစဉ်ကို ကြိုးပမ်းလုပ်ဆောင်ရာ တွင် ပြည်သူ လူထုအားလုံး၏ ပူးပေါင်းပါဝင်မှုသည်လည်း များစွာလိုအပ်သည်ဟု ပဒိုစောကွယ်ထူးဝင်းက ဆက်ပြောသည်။
လက်ရှိ ကေအဲန်ယူနှင့် မြန်မာအစိုးရတို့အကြား ခိုင်မာသည့် အပစ်ရပ်စဲရေး သဘောတူ ညီမှုများ မရရှိသေး သဖြင့် ထိုင်းနယ်စပ်ဒေသရှိ ဒုက္ခသည်များအား နေရပ် ပြန်လည်ပို့ဆောင်ရေးနှင့်ပတ်သတ်၍ ကေအဲန်ယူ အနေဖြင့် လက်မခံနိုင်ကြောင်းကိုလည်း ကေအဲန်ယူက ပြောသည်။
“ကျနော်တို့ အခုလုပ်နေတဲ့ အပစ်ခတ်ရပ်စဲရေး ကိစ္စဟာ ဘယ်လောက်ခိုင်မာပြီလဲ ဆိုတာကို အရင်ဆုံးကြည့်ရမယ်။သူတို့ (ဒုက္ခသည်) အတွက်ကော နေစရာနေရာတွေကို ပြင်ဆင်ထားတာတွေ လုံလောက်မှု ဘယ်လောက်ရှိပြီလဲ ဆိုတာကို ကြည့်ရမယ်လေ၊ ဒီလိုမှမဟုတ်ပဲ အတင်းပြန်ပို့မယ် ဆိုရင်တော့ ကျနော်တို့အနေနဲ့ လက်ခံနိုင်စရာအကြောင်းလုံးဝမရှိဘူး” ဟု ပဒိုစောကွယ်ထူးဝင်း က ပြောသည်။
(၁၅)ကြိမ်မြောက် ကေအဲန်ယူ-ကရင်အမျိုးသားအစည်းအရုံး ညီလာခံကို ၂၀၁၂ ခုနှစ်၊ နိုဝင်ဘာလ ၂၆ ရက်နေ့တွင် ကရင်ပြည်နယ်၊ ဖားအံခရိုင် ကေအဲန်ယူ တပ်မဟာ (၇) ထိန်းချုပ်ရာနယ်မြေ လေးဝါးစခန်းတွင် ကျင်းပခဲ့သည်။
No comments:
Post a Comment