 |
| Photo- KSNG |
ကရင်ပြည်နယ်၊ မြ၀တီမြိ့နယ် မယ်ကနဲကျေးရွာအနီးတွင် တိုးတက် သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) တပ်ဖွဲ့ဝင်တစ်ဦးသည် ယမန်နေ့ နံနက် ၁၀နာရီခွဲအချိန်တွင် မြေမြှုပ်မိုင်းဟောင်း တစ်လုံး တက်နင်းမိ၍ ညာဘက်ခြေ တစ်ဖက်ပြတ်သွားခဲ့သည်ဟု သိရသည်။
အဆိုပါ မိုင်းထိမှန်သည့် ဒီကေဘီအေ တပ်ဖွဲ့ဝင် စောဖားဒိုခို (၂၇)နှစ်သည် မယ်ကနဲကျေးရွာ အရှေ့ မြောက်ဘက်မနီးမဝေးတွင် အခြေစိုက်လှုပ်ရှားသည့် ဒီကေဘီအေ တပ်ရင်း(၉၀၉) တပ်ခွဲ (၃)မှ တပ်ဖွဲ့ဝင် တစ်ဦးဖြစ်သည်။
ဒီကေဘီအေ တပ်ရင်း ၉၀၉ တပ်ခွဲ (၃)မှ တပ်မှူးတစ်ဦးက “ကျနော်တို့ တပ်ခွဲထဲကပဲ။ ထိထိချင်းမှာပဲ ကျနော်တို့ မြ၀တီကနေတစ်ဆင့် မဲဆောက်ဆေးရုံကြီးကို ပို့လိုက်တယ်။ မိုင်းကတော့ အဟောင်းပဲ။”ဟု ပြောသည်။
၎င်းဒီကေဘီအေ တပ်ဖွဲ့ဝင်မိုင်းထိမှန်သည့် နေရာတွင် ယခင်က နယ်ခြားစောင့်တပ် တပ်ဖွဲ့ဝင်များနေထိုင် ခဲ့သည့် နေရာပြီးဖြစ်ပြီး ဒေသခံ ရွာသားများ အိမ်မိုးဖက်အတွက် အင်ဖက်များ အမြဲတမ်းလိုလို သွားကောက်ခဲ့သည့် နေရာများလည်းဖြစ်သည်။
“အမှန်တော့ အဲဒီနေရာက မိုင်းရှင်းလင်းမှုတွေကို ကျနော်တို့ လုပ်ဆောင်ခဲ့ပြီးပြီ။ ရွာသားတွေလည်း အမြဲတမ်း အင်ဖက်တွေသွားကောက်နေကြပါ။ အခုတော့ ကျနော်တို့တပ်ဖွဲ့ ၀င်တွေကိုလည်း နေရာရွှေ့လိုက်ပြီ။ ရွာသားတွေလည်း တစ်ယောက်မှ သွားလို့ရဲမှာမဟုတ်တော့ဘူး။” အဆိုပါ ဒီကေဘီအေ တပ်မှူးက ဆက်ပြောသည်။
ထို မိုင်းပေါက်ကွဲရာ ဒေသတ၀ိုက်တွင် အစိုးရစစ်တပ်မှ ခမရ ၂၇၅၊ နယ်ခြားစောင့်တပ် ၁၀၁၁တပ်ရင်း၊ ဒီကေဘီအေ ၉၀၉တပ်ရင်း၊ ကေအဲန်ယူ-ကရင်အမျိုးသားအစည်းအရုံးတပ်မဟာ (၆) အထူးစစ်ကြောင်း တပ်ဖွဲ့ဝင်များလည်း လှုပ်ရှားလျှက်ရှိသည်။
No comments:
Post a Comment