 |
| Photo-KIC |
မတ်လ ၇ရက်။ စောလှခင်မူး (ကရင်ကျောင်းသားများ ကွန်ယက်)
မွန်ပြည်နယ်၊သထုံမြို့နယ်နောင်ဘိုကျေးရွာတွင်မတ်လ ၅ရက်နေ့က ဖွင့်လှစ်ခဲ့သော ကေအဲန်ယူ-ကရင်အမျိုးသားအစည်းအရုံး သထုံခရိုင်/တပ်မဟာ(၁)၏ ဆက်ဆံရေးရုံး ဖွင့်ပွဲ အခမ်းအနားကို ဒေသခံလူထု ၁,၀၀၀ကျော်တက်ရောက်ခဲ့သည်ဟု ကေအဲန်ယူက ပြောသည်။
မြန်မာစံတော်ချိန် နံနက် ၇နာရီကျော်မှ ၈နာရီခွဲအထိ ကျင်းပပြုလုပ်သည့် ထိုဆက်ဆံရေးရုံး ဖွင့်ပွဲသို့ တက်ရောက်လာသည့် ဒေသခံ ကရင်တိုင်းရင်းသားနှင့် ပအိုဝ်းတိုင်းရင်သားများက ၎င်းတို့၏ ရိုးရာအကများဖြင့် ဂုဏ်ပြုကပြခဲ့သည်ဟု သိရသည်။
ဆက်ဆံရေးရုံးဖွင့်ပွဲ အခမ်းအနားအပြီးတွင် ကေအဲန်ယူနှင့် အစိုးရတို့အကြား နှစ်ဖက်အပစ်ရပ်ကိစ္စနှင့် ပတ်သတ်သော အကြောင်းအရာများကို သထုံမြို့တွင် အလွတ်သဘောအရ ပြောဆိုဆွေးနွေးခဲ့သည်ဟု ပဒိုစောကွယ်ထူးဝင်းက ပြောသည်။
“ပထမအချက်အနေနဲ့ ပြည်တွင်းငြိမ်းချမ်းရေးကို ဆက်လက်ပြီးတော့ ဘယ်လိုတည်ဆောက် သွားမလဲဆိုတဲ့အကြောင်းတွေရယ်၊ နောက်တချက်က နှစ်ဖက်ကြားမှာ ဆက်လက် ဖြစ်ပွားနေသေးတဲ့ တိုက်ပွဲ တွေကြောင့် ပြည်သူတွေရဲ့ အခက်အခဲကို ဘယ်လိုဖြေရှင်း လုပ်ဆောင်သွားမလဲ ဆိုတဲ့အကြောင်းတွေကို ပြောဆိုခဲ့တယ်” ဟု ပဒိုစောကွယ်ထူးဝင်းက ပြောသည်။
ဆက်ဆံရေးရုံး ဖွင့်ပွဲအခမ်းအနားကို ကေအဲန်ယူဘက်က ကေအဲန်ယူဥက္ကဌ ဗိုလ်ချုပ်ကြီး စောမူတူးစေးဖိုး၊ အတွင်းရေးမှူးချုပ် စောကွယ်ထူးဝင်း၊ အတွင်းရေးမှူး(၁)ပဒိုစောသောသီဘွဲ၊ စစ်ဦးစီးချုပ် ဗိုလ်ချုပ်ဂျော်နီနှင့် အခြား အရပ်ဘက်စစ်ဘက် ခေါင်းဆောင်များ တက်ရောက်သကဲ့သို့ အစိုးရဘက်က မီးရထားဝန်ကြီး ဦးဇေယျာအောင်၊ ကရင်ပြည်ဝန်ကြီးချုပ် ဦးဇော်မင်း၊ မွန်ပြည်နယ်ဝန်ကြီးချုပ် ဦးအုန်းမြင့် အခြား အရပ်ဘက် စစ်ဘက်ခေါင်းဆောင်များလည်း တက်ရောက်ခဲ့သည်။
No comments:
Post a Comment