 |
မြန်မာအစိုးရနှင့် ကေအဲန်ယူ-ကရင်အမျိုးသား အစည်းအရုံးတို့ အပစ်အခတ်ရပ်စဲရေး သဘောတူညီခဲ့ကြပြီး နောက်ပိုင်း တွင် ဒေ သဖွံ့ဖြိုးရေး စီမံကိန်း လုပ်ငန်း များကြောင့် ဒေသခံ များ၏ မြေယာများ သိမ်းပိုက်ခံရမှု ပိုမိုများပြားလာကြောင်းကို ကရင်လူ့အခွင့်အရေး အဖွဲ့KHRG က မတ်လ ၅ရက်နေ့တွင် `ရပ်တည်ရာ ပျောက် ဆုံးခြင်း´အမည်ရှိ အစီရင်ခံစာတစ်စောင် ထုတ်ပြန်ခဲ့သည်။
ဒေသဖွံ့ဖြိုးရေး စီမံကိန်းများကြောင့် မြန်မာပြည် အရှေ့ဘက် ခြမ်း တွင် ဒေသခံပြည်သူ များ၏ လယ်ယာမြေများ မတရား သိမ်းဆည်းခံ ရမှုများနှင့်ပတ်သက်ပြီး အဓိက ဖော် ညွန်းထားသော အဆိုပါ အစီရင်ခံစာ၏ သတင်း စာရှင်းလင်းပွဲကို ထိုင်းနိုင်ငံ၊ ဘန်ကောက်မြို့၊ နိုင်ငံခြားသား သတင်းထောက် များ ကလပ် (FCCT)တွင် နံနက် ၁၀နာရီခွဲမှ နေ့လည် ၁၂နာရီအထိ ပြုလုပ်ခဲ့ကြသည်။
KHRG မှ ပြောရေးဆိုခွင့်ရှိသူ စောအဲလ်ဘတ်က “မြေယာတွေ သိမ်းတဲ့ပြဿနာဟာ အရင်ကလည်း ရှိပါတယ်။ ဒါပေမယ့် ကေအဲန်ယူနဲ့ အစိုးရကြား အပစ်ရပ်ပြီးတဲ့ နောက်ပိုင်းမှာတော့ ဒါတွေဟာ နည်းမသွားတဲ့ အပြင် ပိုလို့တောင် များလာတာ ကိုတွေ့ရတယ်။ အထူးသဖြင့်တော့ ဒီကရင်ပြည် နယ်ဖက်မှာ ကျနော်တို့ တွေ့ရတယ်။ ” ဟု ပြောသည်။
အပစ်ခတ်ရပ်စဲရေး မလုပ်ခင်ကတည်းက မြေယာသိမ်းမှုများ ရှိခဲ့သော်ငြားလည်း နိုင်ငံရေး အခြေ အနေကြောင့် ဒေသခံပြည်သူများအနေဖြင့် သက်ဆိုင်ရာ အစိုးရ ဌာနများတွင် တိုင်ကြားမှုများ မလုပ်ဆောင်ရဲကြဘဲ လက်ရှိ နိုင်ငံရေး အခြေအနေ အနည်းငယ်ပွင့်လင်းလာသော အခါ မြေယာ သိမ်းဆည်းမှုနှင့် ပတ်သက်၍ တိုင်ကြားမှုများ များပြားလာသဖြင့် ယခုကဲ့သို့ မြေယာသိမ်းဆည်းမှုများ ပိုမို ပေါ်ပေါက်လာခြင်းဖြစ်သည်ဟု သူက ဆက်ပြောသည်။
၂၀၁၁ခုနှစ်မှ ၂၀၁၂ခုနှစ်အထိ KHRGအဖွဲ့ဝင်များ ကိုယ်တိုင် ကွင်းဆင်းကောက်ခံထားပြီး မြန်မာ၊ အင်္ဂလိပ်ဘာသာဖြင့် ရေးသားထားသည့် ၎င်းအစီရင်ခံစာကို မြန်မာပြည်အရှေ့ ပိုင်းဒေသများ ဖြစ် ကြသော ကရင်ပြည်နယ်၊ မွန်ပြည်နယ်၊ ပဲခူးတိုင်းနှင့် တနင်္သာရီတိုင်း စသည့်နေရာများတွင် လယ်ယာမြေများ သိမ်းယူခံရမှု အများဆုံးဖြစ်သည်ဟု ဆိုသည်။
စောအဲလ်ဘတ်က “အစိုးရအဖွဲ့ အစည်းပဲဖြစ်ပြစ် တိုင်းရင်းသား လက်နက်ကိုင် အဖွဲ့ တွေ ပဲဖြစ်ဖြစ်ပေါ့နော်။ သူတို့တွေအနေနဲ့ ဒေသခံပြည်သူတွေရဲ့ ပိုင်ဆိုင်မှုတွေ ကိုတော့ လေး စားသင့်တယ်။ အသိအမှတ် လည်းပြုရမယ်ပေါ့နော်။ ဘာဖြစ်လို့လဲဆိုတော့ ဒါတွေဟာ သူတို့တွေရဲ့ ခေတ်အဆက်ဆက်က ပိုင်ဆိုင် လာတဲ့ အရာတွေပဲ၊ တခုရှိတာက သူတို့တွေဆီမှာ ပိုင်ဆိုင်ကြောင်း စာရွက်စာတမ်းတွေတော့သေသေ ချာချာမရှိ ဘူး”ဟု ပြောသည်။
ဖွံ့ဖြိုးရေးစီမံကိန်းလုပ်ငန်းများကို လုပ်ဆောင်မည်ဆိုပါက သက်ဆိုင်ရာ တာဝန်ရှိသူများအနေဖြင့် မိမိသဘော အာဏာတစ်ခုတည်းဖြင့် မလုပ်ဆောင်သင့်ဘဲ ဒေသခံများ၏ ဆန္ဒသဘောထားကို အရင်ရယူသင့်ကြောင်း ကရင်လူ့အခွင့်အရေးအဖွဲ့က တိုက်တွန်းလိုက်သည်။
KHRG မှပြုလုပ်သော သတင်းစာရှင်းလင်းပွဲတွင် SYCB-မြန်မာနိုင်ငံ ကျောင်းသားလူငယ် များကွန် ဂရက်၊ Asian Burma အဖွဲ့၊ ဘန်ကောက်မှ NGOs အဖွဲ့အစည်များနှင့် သတင်းမီဒီယာသမားများအပါအ၀င် စုစုပေါင်း ၆၀ ခန့် တက်ရောက်ခဲ့ကြသည်။
ကရင်လူ့အခွင့်အရေးအဖွဲ့သည် ကရင်ပြည်နယ်နှင့် တစ်ခြားသော အရပ်ဒေသများတွင် ဖြစ်ပေါ်နေသည့် လူ့အခွင့်အရေးချိုးဖောက်မှုများကို နိုင်ငံတကာအစိုးရများ သိရှိစေရန်ရည်ရွယ်ပြီး ၁၉၉၂ခုနှစ်တွင် ဖွဲ့စည်း ခဲ့သည်။
No comments:
Post a Comment