တိုင်းရင်းသား လက်နက်ကိုင် အဖွဲ့အစည်းများ နှင့် ဒီမိုကရီစီ အဖွဲ့အစည်းများ အားလုံးပါဝင်နိုင်
မည် ဆိုပါက မြန်မာ အစိုးရသစ်နှင့် တွေ့ဆုံဆွေးနွေးမည်ဟု ကရင်အမျိုးသားအစည်းအရုံး
(KNU) က ပြောကြားလိုက်သည်။
KNU အထွေထွေ အတွင်းရေးမှူး နော်ဇီဖိုးရာစိန် က ၎င်းတို့ တဖွဲ့ထဲနှင့် သီးသန့်တွေ့ဆုံမှု
မလုပ်နိုင်ကြောင်းလည်း ပြောသည်။
“စစ်အစိုးရ အနေနဲ့ ကျွန်မတို့ KNU အဖွဲ့ကိုပဲ သီးသန့် လက်ခံ ဆွေးနွေးမယ် ဆိုရင် ဒါကစစ်မှန်တဲ့
သဘောမဆောင်ဘူး။ တိုင်းရင်းသားတွေ ဒီမိုကရီစီ အဖွဲ့အစည်းများနဲ့ အဖွဲ့စုံ လက်ခံ ဆွေးနွေးမှ
ကျွန်မတို့ လက်ခံမှာ ဖြစ်တယ်။”
မြန်မာပြည်တွင် ဖြစ်ပွားသည့် နိုင်ငံရေးပြဿနာ နှင့် ဒီမိုကရီစီရေး ပြဿနာသည် တိုင်းရင်းသား
အားလုံးနှင့်လည်း သက်ဆိုင်သည် ဖြစ်၍ တိုင်းရင်းသား လက်နက်ကိုင် အဖွဲ့များ ပါဝင် နိုင်ရန်
အရေးကြီးသည် ဟု နော်ဇီဖိုးရာစိန် ပြောသည်။
KNU အနေဖြင့် ၂၀၁၀ ရွေးကောက်ပွဲမှ ပေါ်ထွက်လာသည့် အစိုးရသစ်ကို ပထမဆုံး ကမ်းလှမ်း
လိုက်ခြင်း ဖြစ်သည်။
“ကျွန်မတို့ တိုင်းရင်းသား အများစုက ငြိမ်းချမ်းရေးကို လိုလားကြတယ်။ သဘောထား အမြင်ကို
ပြောတယ်။ ဆွေးနွေးဖို့ ကမ်းလှမ်းတယ်။ ဒါပေမယ့် အစိုးရက လက်ခံလား လက်မခံဘူးလား
ဆိုတာ သူတို့ သဘောထား အပေါ် မူတည်တယ်” ဟု နော်ဇီဖိုးရာစိန် ပြောသည်။
KNU ၏ ထုတ်ပြန်ကြေငြာချက် တွင် တစ်ပြည်လုံး အတိုင်းအတာဖြင့် အပစ်ခပ် ရပ်စဲရန်၊
တိုင်းရင်းသား ဒေသများတွင် ထိုးစစ်ဆင်မှုများ ရုပ်သိမ်းပေးရန် တောင်းဆိုထားသည်။
၂၀၁၀ ရွေးကောက်ပွဲ ပြီးစီးခဲ့သော်လည်း ပြည်သူများကို အဓမ္မ လုပ်အားပေး ခိုင်းစေမှု နှင့်
လူ့အခွင့်အရေး ချိုးဖောက်မှုများ ဆက်လက် ဖြစ်ပေါ်နေသည်ဟု ဖော်ပြကာ အစိုးရသစ်
အနေနှင့် ထိုလုပ်ရပ်များ ရပ်တန့်ပေးရန်လည်း တောင်းဆိုခဲ့သည်။
Subscribe to:
Post Comments (Atom)
No comments:
Post a Comment