ပြီးခဲ့သည့်အပတ်က တောင်ငူမြို့နယ်တွင် မိုးရွာသွန်းမှုများပြားခဲ့ပြီး ၎င်းမြို့နယ်အနီးရှိ ပသီဆည်၊ သောက်ရေခပ်ဆည်နှင့် ခပေါင်းဆည် သုံးခုမှ ရေဖောက်ချသဖြင့် မြို့ပေါ်ရပ်ကွက်အတွင်း အိမ်အချို့တွင် ရေအနည်းငယ်နစ်မြုပ်နေသဖြင့် နီးစပ်ရာ ဘုန်းကြီးကျောင်းနှင့် စာသင်ကျောင်းများတွင် သွားရောက်နေထိုင်နေကြရသည်ဟု တောင်ငူမြို့ရပ်ကွက်(၂၀) ကျောက်တွင်းကုန်းမှ စောကော်စိုးကပြောပါတယ်။
ရေဘေးဒုက္ခသည်များမှာ စုစုပေါင်း ၃၀၀၀ခန့်ရှိပြီး တောင်ငူမြို့ပေါ်တွင်သာမက တောင်ငူမြို့နယ်အတွင်းရှိ ကျေးရွာအချို့နှင့် ထန်းတပင်၊ အုတ်တွင်းနှင့် ရေတာရှည်မြို့နယ်များတွင် ရေကြီးမှုကြောင့် စပါးခင်းများ ရေနစ်မြုပ်နေသည်။
လက်ရှိအချိန်တွင် မိုးရွာသွန်းမှု နည်းပါးသွားခဲ့သော်လည်း ရေကျမသွားသေးဘဲ လမ်းပေါ်တွင် လူကြီးအရွယ် ခါးအမြင့်ထိ ရေကြီးကာ သွားလာနေရသေးသဖြင့် တောင်ငူမြို့ပေါ်ရှိ အထက(၁)၊ အထက(၅)၊ အထက(၆)နှင့် အလက(၁) အစိုးရစာသင်ကျောင်းများကိုလည်း ပိတ်ထားရကြောင်း မြို့ခံများက ပြောသည်။
No comments:
Post a Comment